黑豬的命運? 上星期新買既火牛居然用左7日就瓜左, 係未咁邪門? 好好地既一個星期六就係因為電腦瓜老襯而要走來走去, 最終仲要去返深水步換貨, 我几驚係7日包換貨係由買果一日算第一日計, 咁上星期六到今個星期六即係第8日. 好彩都肯比我換, 但又無晒我買既consair 既火牛渦, 最終我決定退返 610 蚊, 而再用 360 蚊轉買 coolermaster 既火牛, 雖然係差d, 但壞起上黎揀靚牌子未又係7日就瓜 !!
今日開左成日電腦, 還算一切正常, 無出現 reboot既情形.
全日係屋企陪忌廉, 佢睇黎好開心, 玩完就訓, 訓醒又玩, 累左又訓.
因為看網上話d貓曬下太陽會對d皮膚好, 但忌廉係隻畏高既貓, 逢走埋窗邊,窗台佢都好驚, 我真未想過原來貓都會有畏高症, 所以我tum忌廉去窗台位爬低,我自己就訓係隔離, 因為如果我唔陪住佢, 佢一定走夾唔抖唔肯留係個窗台度. 但係就熱到我叫晒救命, 流左唔少汗.
